إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
من مدة لاحظت انى ماباحلمش |
والموضوع دة تاعبنى بجد |
سادد نفسى قوى عن نفسى |
ومخلينى بخاف ولانمش |
لما خلاص حيلى بيتهد |
وتحت عينيا ورم واسود |
وروحى خلاص وصلت مناخيرى |
وبتلكك ول أيها حد |
واللى مخوفنى وراعب قلبى |
انها لو بس على الاحلام |
تبقى بسيطة وفيها كلام |
لكن ده مافيش ولا تمن كابوس |
مع انى عايش تقسيط |
وعليً لطوب الارض فلوس |
ويوماتى تسألنى مراتى |
ماحلمتش حتى ولو تناتيش |
طمن قلبى عليك ريحنى |
وقوللى ياخويا ولاتخبيش |
واوعى ياخويا تحط ف نفسك |
نفض قلبك ماتخليش |
الله يخليك |
عيالك عايزة تراب رجليك |
واللى يقوللى ماتعمل زار |
واللى يصبر فيا ويحلف الف يمين |
ان مراته اتحاش الحلم ف جوفها |
اكتر من سنتين |
انما بسم الله دلوقت |
وامبارح على غير العاده |
حاسيت بدماغى بتتقل منى |
وبوادر حلم منمل جفنى |
رحت منيم روحى بسرعه |
وحلمت |
لكن حلم ماريحنيش |
خوفنى ماطمنيش |
وعشان الحلم مايكملش |
ندهت على روحى ف سرى |
وصحيت م النوم |