عناوين ونصوص القصائد   أسماء الشعراء 
الشعراء الأعضاء .. عامِّي > السعودية > نادية حسين > تكفا تروح

السعودية

مشاهدة
808

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

تكفا تروح

كل مامرّ الهوى قلتله تكفا تروح
لايشوفونك هلي احذر مْن المهلكين
والله مافيهم رجل فاهم وْقلبه سموح
لو يمرّ صوبي الملك ينحرونه صاملين
والعيون الساهره ساهره ماهي مزوح
كل واحد شايلن في جنوبه بندقين
ذوله اللي شرّهم في ملامحهم يلوح
مستبد ين وترى للمهالك حاضرين
طيرك اللي لاحضر زولك تْشوفه صدوح
تحسب انه منْطرب مثل باقي العاشقين
تحْسب انّه ينتظر هبّه النسمه الصبوح
مادريت انّه بْسجن عند بابه حارسين
مادريت ان الفزع باني بصدره صروح
لو تجي له فرصةٍ مايبيها لو تحين
ارعبوني ياهوى في الهوى مالي طموح
لاتجيني والمهم لاتقل لازم تجين
ايش اسوّي لو تمرْ والعطر منّك يفوح
وش اسوّي لويشم ريْحتك ليْث العرين
ويل قلبي لو هجم وازهق بْنابيه روح
ثم يدوّر سحنته صوبي بْوجهه الحزين
ويل قلبي لو حصل من عذابه وين اروح
ينتحر من حرّته ينصرع كنّه طعين
لجل هذا ياهوى قلتلك تكفا تروح
لايشوفونك هلي إحذر من المهلكين
نادية حسين
بواسطة
المشرف العام
الإضافة: الأحد 2012/04/22 02:29:37 مساءً
التعديل: الأحد 2012/04/22 02:40:49 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com