عناوين ونصوص القصائد   أسماء الشعراء 
الشعراء الأعضاء .. عامِّي > مصر > جمال مرسي > تعالي شارك ما تخافشي

مصر

مشاهدة
1433

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

تعالي شارك ما تخافشي

تعالى شارك ما تخافشي
زجل
تعالى يللا وما تكشّش
نحاكم المستر بُشبُش
كتابه أسود متعبّي
تُهَمْ كتيرْ، قول ما تعدش
والصمت في الدنيا مكمم
أفواه بشر ما بتتعلم
إن الحقوق ما بترجعشي
لو كنت في الدنيا مطنش
***
تعالى وارمي الخوف جنبكْ
قول كلمتكْ، جمِّد قلبكْ
تموت شريف موتهْ أبيهْ
يا تعيش جبان، مين هيحبك؟
وان كنت خايف تتألم
يبقى انت عاوز تترمم
لو شفت كام مليون مسلم
قتلوه، هتنطق ما تكشش
***
شوف العراق شوف أحوالها
نهبوا كنوزها وأموالها
وبدعم مجلس مش أمني
أمريكا تعمل ما بدالها
هجمت عليها ف. يوم أشأم
تقتلْ وتسجنْ وتهدّم
وبعد تدميرها تقولك:
ما حصلش حاجهْ، وما يهمش
***
تقاريرنا كانت مغلوطه
و المعلومات مش مظبوطه
والاعتذار موضة قديمه
أيام حمكشه وفطوطه
أصل العراق قاسي ومجرم
لو ملِّكوه راح يتحكم
علشان كدا لما نبيدهم
نعمل سلام حلو مزركش
***
ديموقراطيهْ وعاوزينها
و خلافها راح يطلع عينها
ومرشحين هندعمهم
عشان مصالح حاسبينها
وان مات كذا مليون منهم
دول مسلمين لو نحرقهم
تمشي الأمور غصبن عنهم
و الغرب ياكل ويكرّش
***
يا شعب حكمك على قراقوش
اللي اتفرد ولا لملمتوش
انصب ميزانكْ، ايه تاني
كان من جرايمه ما جربتوش
عاوزين قانون عادل يحكم
على أبرههْ الحبشي الأشرم
اللي بجيوشو وأفيالو
زاد افترا وعالكون كوّش
***
أنا مش باطالب غير بالعدل
لكل شايب، بنت وطفل
وحقوق شعوبنا تعود ليها
و بلاش ميزان الكون يختل
وساعتها نقدر نتبسم
و نقول لبوش خطط وارسم
خلاص شعوبنا ما بتخافشي
و لا من كلامك تتهوّش
جمال مرسي

شعر العامية
بواسطة: جمال مرسي
التعديل بواسطة: د. جمال مرسي
الإضافة: الأحد 2006/12/03 05:35:09 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com