عناوين ونصوص القصائد   أسماء الشعراء 
الشعراء الأعضاء .. عامِّي > مصر > عاطف الجندى > كيميا

مصر

مشاهدة
729

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

كيميا

على فكره
البنت الساكنه ما بين شرايين الروح
وبتتحكم فيها
لا بتدفع أجره ولا عدَّاد
للحب تحاسبه فى آخر الشهر
وتقول لى:
ساعات
إنك طماع
بتحب و عاوز تسمع منى كمان
إن أنا حبيت!
الحب دا كيميا ماتعرفهاش
ومعادلة
إن حصلت
تلقى الرعشه مع التوهان
والنوم هاتخاصمه
لآخر الشهر
راح كنت تقول لى
غرام على طول
ولا كنت ف يوم
عمرك ملَّيت
أنا زارعه غيطان الروح صفصاف
لو حر هواك
زى ما بتقول
خلاك هاتجينى
أنا قلبى براح
هايساعى بحورك
لو مليون
أنا قلت يا حلوه
صحيح طبَّيت
والنوم بقى حلم من الأحلام
هاتى إيدك
شدِّى القلب سنين قدام
أمواج الصعب
ماهاتفدنيش
والصبر شراع مكسور
هيمان
والشط عينيكِ
وغيرها ماليش
***
الله على نجم ف دربك
لاح
الله على قلبك
وقت ما باح
الله على عمرى
اللى ف مشاويرك
عدَّى وراح
والله على بحِّة صوتك وانتِ
بشوقك
بتغنى لى
الماضى سماح
والله لو نبقى أنا وأنتِ
ف دنيا جديده
بحالها أفراح!
***
عاطف الجندى

* من ديوان ( العيون السود ) الصادر فى يناير 2012 عن سلسلة منتدى عاطف الجندي الأدبي
بواسطة: عاطف الجندى
التعديل بواسطة: عاطف الجندى
الإضافة: الخميس 2012/02/16 11:51:10 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com