سيناريو العمر مابين الفشل والنجاح | |
|
| حياتنا قصته والكون هو مسرحه |
|
شيّن مقدر ياربي طالبك فالصلاح | |
|
| من مولد الحي حتى ياصل الأضرحه |
|
اللي مغربل مغربل لو زعج بالصياح | |
|
| مدري نصيبه من العجرود والا فطحه |
|
مثل المراكب ببحر الغيظ والإنشراح | |
|
| والموج قايم بدوره مرجحه مرجحه |
|
المد عالي وكنز البحر يبغى كفاح | |
|
| ماكل نهام وقت العاصفه يربحه |
|
والقرصنه ماتروج غير للإنفتاح | |
|
| نفوذهم غير التقرير فالمشرحه |
|
تخفي معالم جريمتها بطرف الوشاح | |
|
| والجاني الله حسيبه كلنا نمدحه |
|
ليته تريح على قل العنا واستراح | |
|
| مايستره لا طرف ثوبه ولا مشلحه |
|
لولا الورق يحتويني كلما الجاش فاح | |
|
| لآخذ مكان من البيداء لا أبرحه |
|
بعيد عمّا تشوف العين ليل وصباح | |
|
| وأسلي النفس بلحوني وبالمسبحه |
|
والشعر إحساس من عصر الجهاله متاح | |
|
| شيّن تطور وشيّن باقي بمطرحه |
|
نحاول نجود الموروث لا يستباح | |
|
| مره نجيبه رطب وامرار صار بلحه |
|
أما إذا إنه تجاوز عن حدود المباح | |
|
| لابوه لابو تهور واحدٍ يطرحه |
|
والعشق مره عسل وامرار سمٍ ذحاح | |
|
| والنادر العشق لا غايه ولا مصلحه |
|
بذر المحبه ترى يشبه حبوب اللقاح | |
|
| يطير فالجو للعشاق دون اجنحه |
|
للقلب شاله قدر مدري هبوب الرياح | |
|
| لكن يدخل بلا دستور او نحنحه |
|
من فلسفة حرب هتلر خطة الإجتياح | |
|
| الغزو جوي بأحدث تقنيه واسلحه |
|
أحيان عدّت سليمه والنتيجه جراح | |
|
| وأحيان قو الإصابه محتمل تذبحه |
|
ياصاح ماعاد فيها قول تمشي ياصاح | |
|
| القلب مايرعوي لو أردعه وانصحه |
|
شوفه برك لك تحت تهديد سطو السلاح | |
|
| يدعي ويطلب من الله رحمةٍ تنفحه |
|
ليت الحمام المحجل يوم رف الجناح | |
|
| ودى الرساله وجاب اخباره المفرحه |
|