ياسعود لاترقد وانا بخاطري ضيق | |
|
| هات الحطب لاهنت واقبس فتيله |
|
واليا غدا جمر اللهايب معاتيق | |
|
| احمس عليه من اشقر الكيف كيله |
|
ودي بقند اللي عليها مشافيق | |
|
| صفراً من البن اليماني وهيله |
|
حتى يجي فنجالها مابعد سيق | |
|
| كيفٍ به الضرمان يبري غليله |
|
تفتح لفكري مغلقات الصناديق | |
|
| واسري مع الهاجوس بفضل وسيله |
|
بيني وبين الشعر عهد ومواثيق | |
|
| بعد الله إن ضاقت علي التجي له |
|
شاعر ولاتصعب علي الطواريق | |
|
| أبدع وأغني من سنينٍ طويله |
|
ماجيت ادور من ورى الشعر تصفيق | |
|
| شفي على بدع البيوت الجزيله |
|
تنصاك يازبن الرجال المطاليق | |
|
|
ماسقت رجلك مع دروب المطافيق | |
|
| ومن عادتك يالقرم كسب الجميله |
|
مضمونها يالذيب ماله مداريق | |
|
| مايجهله من كان فكره دليله |
|
العمر لحظه والليالي توافيق | |
|
| والصبر نعمه والموارد بخيله |
|
والهم حده يجرح القلب ويعيق | |
|
| حلم القلوب بكل يومٍ وليله |
|
والا السعاده كلبوها تلافيق | |
|
| عزي لقلبٍ فوق حام المليله |
|
جفت بي الغيمه على بلة الريق | |
|
| وحدتني الدنيا على كل ميله |
|
غز الأمل شوكه على قمة طويق | |
|
|