عناوين ونصوص القصائد   أسماء الشعراء 
الشعراء الأعضاء .. عامِّي > السعودية > عبدالله محمد العصيمي > شح العطا

السعودية

مشاهدة
1145

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

شح العطا

يامضميه شح العطا منك وشلون
اصبر وانا اللي منك بالحيل ضامي!!
جفت عروقي والضما يبس الكون
مااسقا هشيمه سيل وبل الغمامي
وشلون يحيا العرق لاشحت امزون..
..غيمك!!وصيفك جاير الوقت حامي
ياونتي ونة من امسى به اطعون
في حيد حزمٍ قد غشاه العسامي
من دون حد الرجم والرجم مسكون
تعوي ذيابه لاادلهم الظلامي
ان صاح ماعنه المخاليق يدرون
وان قام طاح ولاحصل له مقامي
من حظي اللي فيك من دون في دون
معثور صاير له من الوقت عامي
ياما من اسبابك تجرعت مغبون
كاس المرار وقلت ياعين نامي
باكر تهون ومير ماظني تهون!
يقطعك ياحظٍ عليه الملامي
ياحظ انا في ذمتك وانت مديون
سدد ديوني قبل شهر الصيامي
يكفي عذاب وجاير الوقت ملعون
وانا اللذي ماعشت وقت السلامي
وان حل عيد الفطر والعمر مرهون
ولاهل مزنك سقوةٍ للغرامي
برحل ولالي في دهر جورك اضنون
وارجوك لملم مابقى من حطامي
دام العطاء من شح بالشح مضمون
ماللرجاء من وصل شحك مرامي
بيحت لك من خافق الشوق مكنون
وش عاد باقي مااتضح من كلامي
عبدالله محمد العصيمي
بواسطة
المشرف العام
الإضافة: الخميس 2011/02/03 07:09:04 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com