تاريخ الاضافة
الخميس، 3 فبراير 2011 02:05:19 م بواسطة المشرف العام
0 989
ثمين الهرج
ماني سفيهٍ يجمع اللاش باللاش
ولاني ضعيفٍ ضيعوه الدراويش
ومن لا حسب وقته ترى الوقت بلاّش
لايحسبن الناس تفرش له الريش
قلته وانا فكري من الوقت منداش
من راس شاعر ماحصل فيه تشويش
ينقش ثمين الهرج ماهوب خداش
يارد على الجزلات من دون تغشيش
كف المعاني بصمته داخل الجاش
بالخمس توقيعٍ على كل مانيش
إن درهمت لي بكرةٍ بين الأدباش
ماطيش لو غيري من الناس به طيش
وان كان صالت بين نذلٍ وغشاش
في مهمةٍ قفرٍ من الرزق والعيش
تبرك على شوكٍ وترعى من خياش
ماجملوها لو كسوها الدناديش
ماسيّل الوادي معاصير ورشاش
ولاجمل الشينه رموشٍ معاكيش
أخذ الجواب اللي من الهزل ماطاش
قدام تكحل غامص العين ياعميش
الدين وقت الدين لكن معي كاش
اسري عليها قبل سرح المغابيش
إسم الشاعرإسم الكاتبالبلدإسم القسمالمشاهدات
عبدالله محمد العصيميعبدالله محمد العصيميالسعودية☆ دواوين الأعضاء .. عامِّي989
لاتوجد تعليقات