تاريخ الاضافة
الخميس، 3 فبراير 2011 03:55:18 ص بواسطة المشرف العام
0 966
إندماج الحي
فيني لقيتك وابتدا العمر وياك
واشرق صباحي وابتدا من جبينك
يبهر صباح العشق كامل مزاياك
يتنفسك ملهوف لآخر سنينك
غابت تعاتيم المسا عن محياك
إلا عن التكوين في كحل عينك
تنسج خيوط الشمس قبل اتفياك
قوّ الهجير تبرّده وجنتينك
فيك إندماج الحي ياحي طرياك
ياكثر ناسٍ من زمن مهتوينك
يستوحشك قلبٍ تركته بلياك
واليا سئلته ليه ؟ يصرخ رهينك
إقلط تفضل داخل الصدر حياك
مادام كلّي بين نفسك وبينك
حتى الخطا ماقلت لك من خطاياك
زينك جلا عن ناظري كل شينك
ودي ألمّك وأنتثر فيك وأحياك
وأموت بك وتشيلني راحتينك
إسم الشاعرإسم الكاتبالبلدإسم القسمالمشاهدات
عبدالله محمد العصيميعبدالله محمد العصيميالسعودية☆ دواوين الأعضاء .. عامِّي966
لاتوجد تعليقات