عناوين ونصوص القصائد   أسماء الشعراء 
الشعراء الأعضاء .. عامِّي > السعودية > عبدالله محمد العصيمي > شبيك لبيك

السعودية

مشاهدة
1205

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

شبيك لبيك

لو قلت لك وش زاد فيني غلاتك
يمكن مع الأيام يكثر تغليك
ماهو صغر سنك ولاهو حلاتك
ولابك علامه فارقه بين اهاليك
لحظه علامك!! ليه شلتي عباتك؟
صبْرك عليّه لاتقومين وارضيك
ان قلت لك ماهوب شي بصفاتك
صادق غرامي ماحصل فيه تشكيك
ذا قلبي اللي تحت رحمة ولاتك
يمشي على طاعتك شبيك لبيك
يا نبض عشقي بين ذاتي وذاتك
روحين عاشت بالمشاعر تناديك
إن كان مالي قسمةٍ من حياتك
مالي حياةٍ يابعد روح مغليك
محدٍ قدر قبلك يسوي سواتك
عامين مرت بي وأنا ميتٍ فيك
مستمطره بالشوق ماشي فاتك
ماجيت ابسلا بالمحبه واسليك
لمّي خفوقي لايصيبه شتاتك
غفوة جروحي بين صدرك واياديك
طرفي بليله حرّم ألاّ يباتك
يسهر طوال الليل صمته يناجيك
هذا هو اللي زاد فيني غلاتك
مير البلا لو زاد باكر تغليك
عبدالله محمد العصيمي
بواسطة
المشرف العام
الإضافة: الأحد 2011/01/30 05:10:59 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com