تاريخ الاضافةتاريخ التعديل
الأحد، 10 يناير 2010 03:39:31 م بواسطة المشرف العامالأحد، 10 يناير 2010 04:44:41 م
2 2320
مشكور
مشكور يا بايع مشاعرك مشكور
العام ذنب وهالسنه ذنب ثاني
وش عاد اقول ولا بقى شي مستور
ما طعتني يوم ابتسم لي زماني
لا تعتذر لو خاطري منك مكسور
لا تفتكرني دام قلبك نساني
لا لا تقول ان الليالي لها دور
شف من هو اللي كان فينا أناني
مدري تصنعت الغلا زور في زور
مدري انا اللي حيل كنت متفاني
مثل العما ما تنفعه طلعة النور
النور بعيون العما ما يباني
عندي خبر لو جاك من يمي قصور
لأقول انا مخطي وربي جزاني
لو شفتني قاسي عليك انت معذور
شفني من أول جرح لا زلت أعاني
انا بشر مثلك لي احساس وشعور
واغتاظ لا مس الكلام بكياني
حتى وانا في قمة الغيظ مقهور
بعض الحكي عيا يقوله لساني
ابقولها لو قلت لي صابك غرور
ما فيه احد ياخذ بقلبك مكاني
العام قلبي فيك هايم ومجبور
العام لا مني جفيتك عصاني
واليوم حبك في حناياه مقبور
لو ما دعيته للمفارق دعاني
ذاك الهوى ما عاد لك فيه مقدور
ابعد من ايام الرشي والسواني
ما دمت راضي عن عذابي ومسرور
ملعون ابو قلب ٍ عليك يحداني
إسم الشاعرإسم الكاتبالبلدإسم القسمالمشاهدات
متعب التركيمتعب التركيالسعودية☆ دواوين الأعضاء .. عامِّي2320
لاتوجد تعليقات