تاريخ الاضافة
الأحد، 10 يناير 2010 03:08:07 م بواسطة المشرف العام
0 1943
وضح النياق
وين هالغيبه عسى ماهي إفـراق
ليه تبخل بالمجـي خلّـك كريـم
خابر ان الجرح لا صابه حـراق
مـا يفيـده طـبّ والله العظيـم
ينشدوني وين من رمشه دقـاق؟
قلت مدري ذاك خبري بـه قديـم
الغلا راعيـه لـه قلبـن رقـاق
لو جفيته صارت ضلوعه هشيـم
لو زعل لو شال غيضه واستضاق
ما يخرّبهـا وجرحـه بالصميـم
ادمـح الـزلاّت زلاّت الرفـاق
خصّ لا من صار راعيها حشيـم
واكره الخـوّان كرهـي للعـراق
واعشق الوافين عشقـي للقصيـم
عند اهلها غاليه وضـح النيـاق
وانت عندي يمكن اغلا يا وسيـم
ان بغيت افراقنـا هـاك الفـراق
وش نبي بالحب دام الحب ضيـم
إسم الشاعرإسم الكاتبالبلدإسم القسمالمشاهدات
متعب التركيمتعب التركيالسعودية☆ دواوين الأعضاء .. عامِّي1943
لاتوجد تعليقات