تاريخ الاضافة
الأحد، 10 يناير 2010 02:55:32 م بواسطة المشرف العام
0 2420
من عام الأول
لو قلت مرتـاح مانفسـي بمرتاحـه
غير التعب في غيابه مانـي بلاقـي
من عام الاول وقلبي تنزف اجراحـه
ضاقت على الوسيعه والفضا ضاقـي
لا بال مرتـاح لا فرحـه ولا راحـه
كم لي سنه وانتظر غيبـات سراقـي
ارجيه عقب البطا لو طال مرواحـه
كانه على هقوتـي ماخـان ميثاقـي
قلبن يذوق الهوى من يكبح اجماحـه
خلوه يرتاح دامـه بالهـوى شاقـي
اضحك وقلبي مع اللي عجة ارياحـه
لا قلت ياقلب طالت قـال وش باقـي
اللي عيونه وسـاع سـود ذباحـه
ازريت اداري غلاه بخافـي اوراقـي
ساكت وعيني ولو ماقلـت فضاحـه
حتى القصايد تخون وتفضح اشواقي
لو ما بغيت الهوى صابتني ارماحـه
ماجاه دون اللحم ساتـر ولا واقـي
مثل البحر كم غرق به ناس سباحـه
تضيع مع قوَ موجه هقـوة الهاقـي
خبري بقلبه صدوق الشوق يجتاحـه
عندي خبر فيه مايقوى على فراقـي
اتعب وغيري يجي وياخذ على الراحه
من حظ غيري وانا اللي زارع وساقي
.
إسم الشاعرإسم الكاتبالبلدإسم القسمالمشاهدات
متعب التركيمتعب التركيالسعودية☆ دواوين الأعضاء .. عامِّي2420
لاتوجد تعليقات