تاريخ الاضافة
الأحد، 10 يناير 2010 02:49:51 م بواسطة المشرف العام
0 2038
مريت الاطراف؟
جابتني الذكرى على الماضي كتاف
سجيـت كنـي تونـي مكتشفهـا
سرى بي الهاجس ومريت الاطراف
دوجت حـول الساعتيـن بطرفهـا
نعم تذكرت الزمـان الـذي طـاف
غديت مثل اللـي عيونـه طرفهـا
لي في غرام(ن) فات كلمه ومقياف
لولا خفوقي هام بـك مـا وقفهـا
اول غيابـك قلـت مابـي خـلاف
واليوم شف حالي غيابـك تلفهـا
تجهل جروحي ياللي جروحك خفاف
معذور لو قلبك جهل مـا عرفهـا
ياليت مجروح الهوى جرحه يشاف
لقول قرب من جروحـك وشفهـا
شفها بعينك كانك مـن الله تخـاف
حاول تصلـح غلطتـن مقترفهـا
العمر لامنـه خـلا منـك ينعـاف
في حال والا حـال غيـر تعرفهـا
قدام عينك لـو تطلعـت وخـلاف
تلقى الخفايا خاطري لـك كشفهـا
خايف ومن مثلي معه حق لو خاف
تبعـد ونفسـي ماتحقـق هدفهـا
ماللهوى عندك مواثيق وانصـاف
ماكـنـه الا لعبـتـن محترفـهـا
اليوم لو ذكراك ترجع بـي خـلاف
محبتـك سيـل التهايـم جرفهـا
إسم الشاعرإسم الكاتبالبلدإسم القسمالمشاهدات
متعب التركيمتعب التركيالسعودية☆ دواوين الأعضاء .. عامِّي2038
لاتوجد تعليقات