تاريخ الاضافة
الأحد، 10 يناير 2010 02:17:10 م بواسطة المشرف العام
1 1989
الجدايل
ليل هاك الجدايل طـال مسـراه
بين تفسير حلـم وبيـن امانـي
يوم حد الغلا قلبي على أقصـاه
شرع القلـب بيبـان المحانـي
مارماني ولكـن قلبـي أدمـاه
عـاد وشلـون لامنـه رمانـي
لانقض ليـل مجدولـه وخـلاه
قلت وش هالظلام اللي غشانـي
لو يمر البحر شاطـي شفايـاه
صار بحر الخليج فرات ثانـي
وين ابلقاه مدري ويـن ابلقـاه
دامـه بكـل ذره فـي كيانـي
ادري انه نسى الموعد ولاجـاه
بـس ليتـه نسـاه ولانسانـي
لو عيونه بحرهن ماركـد مـاه
شط الاهداب صار اجمل مواني
يكفي انه حفظ شعـري وغنـاه
وابتسملي وقـال ادري عشانـي
كل ماترتسم بسمه علـى شفـاه
اشعر انـه يجاملنـي زمانـي
ليه احبه واحب اسمه وطريـاه
يوم اخذ دم قلبي وش عطانـي
غاب وان شفت نفسي قادر انساه
قلت ربي كتب لي عمـر ثانـي
إسم الشاعرإسم الكاتبالبلدإسم القسمالمشاهدات
متعب التركيمتعب التركيالسعودية☆ دواوين الأعضاء .. عامِّي1989
لاتوجد تعليقات