عناوين ونصوص القصائد   أسماء الشعراء 
الشعراء الأعضاء .. عامِّي > السعودية > متعب التركي > ويش استفيد
متعب التركي
متعب التركي

السعودية

مشاهدة
2233

إعجاب
0

تعليق
0

مفضل
0

الأبيات
0
إغلاق
ملحوظات عن القصيدة:

إرسال
انتظر إرسال البلاغ...

ويش استفيد

هاك ذكراك من ذكراك ويش أستفيد
كافي أن المشاعر هايمه كلها
ودي انساك والنسيان ماهو اكيد
كيف ابنسى عيونن رمشها ظلها
من هك اليوم وانت اللي بعيني وحيد
ماخبرت العيون تمل من خلها
مير نفسي عزيزه وانت رايك عنيد
والنفوس العزيزه ماتبي ذلها
ليه تعطيني الدافع واقول القصيد
ليه صفحه غرامي ترجع تفلها
ليه ترجع على الماضي تزيد وتعيد
وانت من عام الاول عاجز تحلها
مابرى الجرح الاول كيف يبرى الجديد
شوف حالي نزيف جروحها سلها
كل ماشفت لك ذكرى وربي شهيد
كن نزاع روحي بالحفا تلها
اندفعت لغرامك يالغزال الفريد
والغلا له دروب خاطري دلها
فرحتي بالقا رغم انها ماتفيد
فرحه القاع لامن المطر بلها
وش بقى يالسراب اللي قريبن بعيد
المحبه وراحت وانتهى حلها
لو كل بكيفه ياخذ اللي يريد
كان ماشفت ناس تموت في غلها
هاك فرقاك خذها خل قلبك شديد
خلها ماشيه بحمولها خلها
كل مازاد تعذيبك ذنوبك تزيد
الله اعلم صلاتك باطله كلها
متعب التركي
بواسطة
المشرف العام
الإضافة: الأحد 2010/01/10 06:08:32 مساءً
إعجاب
مفضلة
متابعة
أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق

أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
من نحن
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com