عناوين ونصوص القصائد   أسماء الشعراء 
الشعراء الأعضاء .. عامِّي > السعودية > متعب التركي > نهار الوداع

السعودية

مشاهدة
3537

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

نهار الوداع

اخر اللي سمعته في نهار الوداع
دقت القلب مدري صوت عجل الخطاوي
نايف الطول وش سوابي الانقطاع
صار بين الضلوع القلب كنه فداوي
بيني وبين ضحكات السعاده نزاع
كني اللي قضى عمره طريدن جلاوي
لا تلوم الذي سوى لك المستطاع
خف من الله وخل جروحنا بالتساوي
عن هذيك النواعس ليه شلت القناع
الحيا وين يلي طول عمرك حياوي
كن خدك الطاهر بروقوشعاع
اثرها رحمةن للناس بعض الغشاوي
وش يفيدك عذابي ياغريب الطباع
ليه دايم على الملتاع سيلك نحاوي
امتلي غيض وازعل يوم وارجع بساع
راعي الجرح يستحمل عذاب المداوي
غالطوني وقالوا ليش هالاندفاع
ادوخوني عليك مكثرين الحكاوي
عذربوك بوجودي بالجفا والخداع
فيك حلو الوصايف صوروها مساوي
التزمت السكوت ورأيهم فيك ضياع
لين قالوا متعب على البعد ناوي
ميت القلب عرضت الغلا للضياع
والله اني على قطع الرجا بك مراوي
ماتغيرت لين انك لويت الذراع
تحسب اني على الهجران ماني بقاوي
لوتقول انت ماعقب الفراق اجتماع
عندي اليوم كل اللي تقول متساوي
او يقولون صار يخاف قلب الشجاع
من هك الليله وبيت القصيد امتهاوي
بين شقر الجدايل والعيون الوساع
اذكر اني فقدت القلب في هالحراوي
متعب التركي
بواسطة
المشرف العام
الإضافة: الأحد 2010/01/10 05:59:18 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com