عناوين ونصوص القصائد   أسماء الشعراء 
الشعراء الأعضاء .. عامِّي > السعودية > متعب التركي > وسيع البال
متعب التركي
متعب التركي

السعودية

مشاهدة
2421

إعجاب
0

تعليق
0

مفضل
0

الأبيات
0
إغلاق
ملحوظات عن القصيدة:

إرسال
انتظر إرسال البلاغ...

وسيع البال

ياوسيع البال ضيّقت الصدور
رحت ماعلّمتنى وين أنت ساري
فى غيابك مال خلق الله حضور
وفى حضورك مالهم بالبال طاري
ليه ماتختال يابدر البدور
والقصايد لك وصيفات وجواري
لك بنات الفكر ربات الخدور
يكشفن لثامهن والجرح عاري
جعل قلبٍ ماملاه الصدق نور
عند وجه الريح مايلقى مزاري
التغاضى عجز لاطال القصور
ليه أدارى وأنت عني منت داري
الزمااااان قصير والدنيا تدور
كل يوم يضيق فى عينى مداري
صاحبى محتاج لك شعر وشعور
وإحتياجى شى ماكان إختياري
من متى والغصن يختار الطيور
من متى والبال يختار الطواري
لاتسمى صمتى البارح غرور
انكسارى خلف هالصّمت متواري
فى غياب الشمس وش ذنب الزهور
والمطر لاشح وش ذنب الصحاري
اللقا لحظات والغيبه شهور
تقصر الخطوات ويطول إنتظاري
لو قريت المنكتب وسط السطور
ماكتبت لغلطة العمر إعتذاري
صمت هالمينا مثل صمت القبور
مارسى مركب ولا لاحت صواري
متعب التركي
بواسطة
المشرف العام
الإضافة: الأحد 2010/01/10 05:19:28 مساءً
إعجاب
مفضلة
متابعة
أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق

أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
من نحن
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com