ليل والدرب موحش ياظلام الطريق | |
|
| ولامعي منور إلا سبحة الكهرمان |
|
ياوصال العدو لا طال هجران الصديق | |
|
| قلت أبسكت وأبنسى بأن في فمي لسان |
|
آه وإن كتف المظلوم والظالم طليق | |
|
| دست قلبي برجلي والله المستعان |
|
وإن عجزت بهجيرك يالظما لا بل ريق | |
|
| قلت يالروح شوفي غير جسمي مكان |
|
ياوسع هالصدر حتى لو ان الكون ضيق | |
|
| وكثر مايرتعب يعيش نزّاله بأمان |
|
قالوا الشمس كانت بالحياه أول حريق | |
|
| قلت: طيب والقمر؟ قالوا بقايا حب كان |
|
ولّ يالموت صرت أحلى خيارات الغريق | |
|
| وأنت ولّين ياوقت ٍ بك أجمل حب هان |
|
يابقايا فتات الفص من خاتم عقيق | |
|
| هو متى قد سمعت ان الذهب يوم خان |
|
آه يامنقع الدنيا صحيح أثرك غميق | |
|
| وأثري الجاهل اللي جاك في حاجة حنان |
|
جيتك أمشي على سلك الأحاسيس الرقيق | |
|
| بس من شين حظي ماحفظت الإتزان |
|
طيب الله فال الجرح والحزن العتيق | |
|
| لاغدا ماللوفا داعي وقلبي جبان |
|
يانجم بين أضلع الغيم أنا شفتك تويق | |
|
| كنك الدمع بعيوني إلى غرغر وبان |
|
جبت طاري الدمع شف كيف عيني ماتطيق | |
|
| من زمان أنا كذا وإلا أنت غافل من زمان |
|
ليل والدرب موحش وإن لقيتك في طريق | |
|
| والله إن أهديك يالشعر سبحة كهرمان |
|