الكرسي اللي بنفس الركن له مجفي |
ليلة مريض أو ثمان سنين متعافي |
إن شافني مانسى جرحي ولا نزفي |
وإن شفته أكتب علىصبح العمرطافي |
مايكفي ان الـورق للحـبـر مايكـفـي |
حتى المرايا بعد...بـتـغـيـّر أوصافي |
مدري بقا كم رحيل ويرجع المقفي |
مل ّ الظما شفتي .. ملّ الشتاأطـرافي |
وين أولك ياهـشـيم القـوه بـضعـفي |
كم لي وأنا أمشي بدربك يالحزن حافي |
الناربعض الأغاني والحطب حرفي |
والناي بحـّه حزينه مع ((نفس دافي)) |
نامت جروحك وهي متوسده كتفي |
خـفت آتـنـفـس ويصحى دمعي الغافي |
يامهمهي المحـبه وش بـقـا تـخـفي |
إن كان ماهو بوصلك ؟ فأتركه خافي |
أنت الرجا بالعمر والخوف من حتفي |
وأنت أبعد أحلام عمري وأقرب أهدافي |
ياكثر ماتشبه أغصان الأثل نحفي |
وياقل مالملح سـولف عـنك لضفافـي |
حبك أمامي .. وبحر موادعك خلفي |
أنت (أندلس عشقي) وللـنار مجدافي |
والكرسي اللي عقب ذاك المسا مجفي |
مثلي مريض الوله .. ويقول : متعافي |