تاريخ الاضافة
الجمعة، 25 ديسمبر 2009 06:46:18 ص بواسطة المشرف العام
0 895
كوكبنا جبان
هي لهم كل الأماكن لا غدا قدري مكان
التعب لأرقابهم لا صرت بالصف الأخير
وإن ضحك وجه البنفسج وأستمال الخيزران
في ثنايا الجرح جرح ومابقا إلا الكثير
طال عمرك ؟؟ يالليالي مانبي غير الامان
في نهار ٍ لو رضينا مارضى باللي يصير
طال عمرك ؟؟ وش بيدنا ؟؟ دام كوكبنا جبان
ماقدر يكون شمس ولا قمر دايم ينير
ليت أنا لي يالثريا مثل جوف السيسبان
كان لي قلب ٍ ضحوك وقلب مجروح وكسير
ماعلي لو عذربوني .. دام في راسي جنان
والله انا آخذ بيمنا ماتحوش إلا الكبير
قالو الدنيا ملز ؟؟ وقلت أنا شعري حصان
وادري اني لو لهيت ولا تمالكته يطير
آه يا أذن المساند ليت للمركا لسان
كان تلعن ثم تلعن كل من داس الحرير
والسفيه اللي مرده لو تعلّى للطمان
لا يهمك والله إنه لو نفص عينه ضرير
لعنبوها رجل ساقت راعي العز لهوان
ولعنبو من شبه سباع الصمايل بالحمير
راح علم وجاك علم وكل خافي له بيان
هرجةٍ قلنا وتمت ..من ورا خشمك تصير
من عوايدنا الصلافه لو نعم وجه الزمان
ومن يحقر الناس عند الناس هو أصلا ً حقير
ودعك يالجرح نزفي من جت الساعه ثمان
ونامت عيون الأوائل.. صرت انا الحلم الأخير
إسم الشاعرإسم الكاتبالبلدإسم القسمالمشاهدات
عبدالمحسن بن سعيدعبدالمحسن بن سعيدالسعودية☆ دواوين الأعضاء .. عامِّي895
لاتوجد تعليقات