تاريخ الاضافة
الجمعة، 25 ديسمبر 2009 06:44:08 ص بواسطة المشرف العام
0 802
ريش المحابر
الله يمسي باب وصلك بمفتاح
والا يصبح كسر الإحساس جابر
ياغربة ٍ في كف شاعر لمسباح
الى متى والليل ياليل صابر
شف هالحمل كم له على الصدر مأنزاح
وأنا على ضـعـفي ومازلت أكابر
ولو بس قلت إنك لو شوي مرتاح
لأرتحت انا من راحتك وانت خابر
من بدلك بالحزن ياوجه الأفراح
وقصور قلبي كيف صارت مقابر
وإن كان حوا غرّت آدم بتفاح
فأنا جروحي ورث كابر لكابر
يافرحتي واللي خذك وين ماراح
مردّ صفحاته لريش المحابر
مأكفاك نزفي دم .. قلت أنزف جراح
وحبك مقيم وشرهتي شخص عابر
والقلب رغم الجرح والجرح ماطاح
واقف على ساق المحبه يثابر
ياظلي ارتح يكذب العطر مافاح
ياوجهي ان شفتك بأقول ايه كابر
والوصل ماله باب يحتاج مفتاح
والكسر عده لا كتمل عام جابر
إسم الشاعرإسم الكاتبالبلدإسم القسمالمشاهدات
عبدالمحسن بن سعيدعبدالمحسن بن سعيدالسعودية☆ دواوين الأعضاء .. عامِّي802
لاتوجد تعليقات