تاريخ الاضافة
الجمعة، 25 ديسمبر 2009 06:32:48 ص بواسطة المشرف العام
0 746
للمره الأخيره
هين مردك للفرج يأكبر الضيق
دام اللـيالي تـقـتـفـيها ليالي
هي بس تبغى طول صبر وتوافيق
وأشيل هم الناس كله لحالي
وعمر المربط مايسوق المطاليق
والحر ماترضيه غير المعالي
ياصاحبي وإن زاد ظلم المخاليق
فلاتحسب إن الله عن الخلق سالي
والطيب يمحى العيب عرف ومواثيق
والا الخطا ماله على الطيب والي
واللي جرحني بين حدب ومعاليق
مأخفي عليك انه الى الحين غالي
ياحلمي اللي مالك اليوم تحقيق
حبك حقيقي بس وصلك خيالي
والحب يفضحني وان اخفيته يويق
وإن مـامـضـالي بالـوفـا مـابـقـالي
جرحتني مختار ياحالي الريق
واسامحـك مجبور ياراس مـالي
صوره ولا يحتاج الإحساس تعليق
أركض رجا ويطيح ميّـس ظلالي
وان كان بيبان المشاعر مغاليق
فماهو جديد ان الزمن ماصفـالي
ليت الهوى جمعه ولا فيه تفريق
أوليت مالـلـبعـد فالقـلـب صـالي
ياصاحبي وان شلت لك فوق ماطيق
فأنا لحالي جيت وأرحل لحالي
وهين مرده يـنـتـهي كل هالضـيـق
وأقـول للمره الأخـيره تـعـالي
إسم الشاعرإسم الكاتبالبلدإسم القسمالمشاهدات
عبدالمحسن بن سعيدعبدالمحسن بن سعيدالسعودية☆ دواوين الأعضاء .. عامِّي746
لاتوجد تعليقات