عناوين ونصوص القصائد   أسماء الشعراء 
الشعراء الأعضاء .. عامِّي > السعودية > عبدالمحسن بن سعيد > المسامح كريم

السعودية

مشاهدة
853

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

المسامح كريم

سامح الله شبابي كم تركني أهيم
وأترك النفس تكفخ مع شرود الهبايب
غرني بالشموخ وكنت أظنه مقيم
ماخبنت الثياب ولا حسبت العقايب
وسافرات الخطايا مالقت بي خصيم
استباحت وفاحت لين شفت المصايب
وش أنا يالضعيف إلا برحمة رحيم
وش أنا يالفقير إلا لسان ووهايب
وش أنا يالذنوب إلا بعفو الكريم
وش أنا يالعجول إلا بستر النوايب
وش أنا يابن آدم غير قطر ٍ ذميم
الله اللي عمرني بين صلب وترايب
موت والموت زفره وأنتهى ياغشيم
لكن اللي ورا هالموت ....ياهو عجايب
آه .. وإن مادحرتك ياللعين الرجيم
صحت من كبر همي حدر كوم الشهايب
ويلي إن لحفوني جرهدان ورميم
وأتبكوا خمس لبنات اللحد بالروايب
ثم هل التراب وصار فوقي رزيم
شبر ٍ أو دون ما تمراه غير النصايب
آآه ..إلى رو ّحوا صوت الخطا صوت ديم
ثم روحت ياتركي تسوق القرايب
آآآآه .. ياوالله اللي صرت عقبي يتيم
والله إن مايحبك مثل قلبي حبايب
ياخلف عمري اللي راح مثل الصريم
حلل اللي عليك عروق قلبه ذوايب
وأي وإياك تبكي مثل مبكا الحريم
أبلع الحزن وأطلب ربك ومأنت خايب
ياولد من حشا مأشرك وربه عليم
لا ولا ينشده ربه قد أغتاب غايب
ماكره طول عمره لا ولا له خصيم
ولا عرف حي ٍ إلا حبه بلا سبايب
آه واليوم من شوفتك يمسي فطيم
خامد ٍ مأحتر ك .. للدود جسمه نهايب
ويلي اليوم أبسأل عن جديد وقديم
ويلي إنما كتب لي ربي أجيه تايب
يالله إن جاك عبدك ياودود وياحليم
مامعه مايوفي عنه عظم الطلايب
جاك من عقب ماخلا حياته سقيم
صابه اللي تعرفه وانت مشفي وصايب
يالله ان ترحمه من تلته للضريم
نارك اللي تلضى في شررها لهايب
يالله ولا تحرمه شوفتك ياعظيم
ماله إلا انت منجى يارفيع الجنايب
آه ياكثر خوفي منك وانت الحكيم
آه ياكثر ذلي وأرتعد منك هايب
راحت ايام عمري ماعرفت النعيم
مجهد النفس لكن مالحقت الركايب
رحت وأجمل حياتي ضحك طفل ٍ وسيم
رحت وأقسى حياتي دمعتين ٍ لشايب
رحت وأحلى المرابي من حرض للقصيم
رحت وألذ عمري حدر فيّ السحايب
سامح الله شبابي والمسامح كريم
وسامح الله زمان ٍ مايلم الحبايب
عبدالمحسن بن سعيد
بواسطة
المشرف العام
الإضافة: الجمعة 2009/12/25 10:07:01 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com