تاريخ الاضافة
الجمعة، 25 ديسمبر 2009 06:05:29 ص بواسطة المشرف العام
0 719
الملح والدانه
الشط شبّك يدين الموج بيدينه
يارقصة العشق بين الملح والدانه
والشمع من حب دمعه شب في عينه
والليل مجنون يعشق صبحي جنانه
واللي نسى الورد عقب كفوفها لينه
منها ترى الشمس مطفيّه وخجّـلانه
فرّعونة الموق والغنج وسلاطينه
حوريّة الزين وبحوره وخلجانه
في خدها ناسي المخمل عناوينه
وفي فمـّها ناسي الرمّان رمّانه
وإن سولفت يسأل الليل .. القمر وينه؟؟
وإن سلهمت ضيّع العصفور جنحانه
تضحك ويبدا الضيا يعتق مساجينه
وإن صحصح الكحل تبقا العين نعسانه
ومن صافح كفوفها تزهر شرايينه
ومن شافها شاف وش عذروب خلانه
تنزل على اللي فخربه ناس راقينه
وماداسته يرتوي والأرض عطشانه
مدري هي انسان غير الناس تكوينه
وإلا انها نجم ملَ النور بأوطانه
والزين كله لها أو فوق نصفينه
والناس فيما بقا خشره وفرحانه
بس وهنا سوّر العاشق بساتينه
وطبعا ً كذا الملح ذاب وغاصت الدانه
إسم الشاعرإسم الكاتبالبلدإسم القسمالمشاهدات
عبدالمحسن بن سعيدعبدالمحسن بن سعيدالسعودية☆ دواوين الأعضاء .. عامِّي719
لاتوجد تعليقات