قالت إفرض طيب إن الشمس نامـت مـن تعبهـا |
مـن تـظـن يـفـك أزاريــر المـسـا ويـصـب نــور |
قـلـت أبــد لا تشغلـيـن عيـونـك إلا فــي هدبـهـا |
واعصري ظلـك تسيـل شمـوس وتجـف البـدور |
ياحياتي والمشاعر هي " المـ... شاعر" كتبهـا |
والغلا هو " الغـ...ـلا " وأعذر حبيبك لو يجور |
ولو رصعت الشمس روبي وأكتسا اللولو لهبها |
أختـفـت مــع لمـعـة ظـلالــك بقـيـعـان الـبـحـور |
وغرتـك لا هفهفـت حـتـى الـهـوى لا ماقضبـهـا |
ودايــم تـفـرّك يـديـن الـلـي يصافـحـك الـعـطـور |
وماسبقـك أحـد ٍ تجـلـل بالسحـايـب واعتصبـهـا |
ولاعـرق حـي ٍ دهـن ورد وزفـر غـيـرك بـخـور |
آه يــا أحـلـى ذنــوب العـاشـق الـلـي مأرتكبـهـا |
الغرور يصيب غيرك وانـت مـن صـاب الغـرور |
شفـت دورة هالكواكـب حـول شمـس ٍ تجتذبـهـا |
كنـهـا قـلــوب الأوادم حـولــك تـحــور وتـــدور |
نفسـي ادري مــن سبقـنـي للمواعـيـد وشربـهـا |
او مـن اللـي بـس عبـا دمـي إحسـاس وشـعـور |
ياحبيبـي قـد سمـعـت بـنـار قــد حـنـت حطبـهـا |
أو بمـن يشهـد علـى نفسـه لخصمـه يــوم زور |
طالبـك لاتنـشـد دمـوعـي حبيـبـي عــن سببـهـا |
واعـذر القلـب الحزيـن وانــت بالحـيـل مـعـذور |
قالت افرض طيـب ان الشمـس قلـت يـوم ادبهـا |
قلت انزلها بقذلـة صبحهـا وأكتبـك نـوووووور |