يا وجد قلبن فالهوى ضيّع الود | |
|
| وأمسى تليف الحال ضايق سبيله |
|
وجد الفطيم اللي عن أمه تبعّد | |
|
| وأمه على فرقاه تبكي رحيله.. |
|
يا وجد مفجوع ٍ على عارم السد | |
|
| شيّد من التوثاق بيت لدخيله |
|
ماخذ على طالبه من واثق العهد | |
|
| وغاروا عليه لدمهم في قتيله |
|
أو وجد قلب ٍ فالهوى ضيّع الود | |
|
| وأمسى تليف الحال ضايق سبيله |
|
أسباب من حبه على شامخ الصد | |
|
| خل ٍ يزيح الود عني ويحيله |
|
خل ٍ قطعني قطعت الصبع ماليد | |
|
| قصده دواه ولا يحاتيه ليله.. |
|
وأمسيت في نكبه على جزر ٍ ومد | |
|
| أهموم دنيا لي ضوت مب قليله |
|
|
| عكر الوطيس اللي دماها تسيله |
|
أو كني فأرض ٍ خيرها قام ينفد | |
|
| الجوع طاغي والضوامر نحيله |
|
هايم وفكري في عنود ٍ تبعد | |
|
| مدري زعل مدري جفا أي وسيله! |
|
مدري سبب فرقاه هاوي التعنّد | |
|
| وقطع الوصال اعلومها مستحيله |
|
من عقب وقت ٍ فالرخا والتوحّد | |
|
| دمعي على الخدين ساقي مخيله |
|
أعزاك يا عمي وأنا فيك أعتد | |
|
| ياللي تثيب القلب واللي انتخيله |
|
تدري بحال ٍ أتعب الود بالصد | |
|
| وأنته يا أبو حمدان عوقي دليله |
|
في ذمتي وعد ٍ على العد بالعد | |
|
| مقدر أواريبه وثاق الجليله |
|
ومقدر أعيش بدون قلب ٍ تودد .. | |
|
| يسقي سناه عروق حب ٍ محيله |
|
أرفج بحالي وأسقني صافي الشهد | |
|
| من مزن جودك وأستريح فظليله |
|