عناوين ونصوص القصائد   أسماء الشعراء 
شعراء العامية في العصر الحديث > الكويت > حامد زيد > تزعلين وتقعدين

الكويت

مشاهدة
2621

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

تزعلين وتقعدين

عافت الشمس المدينة وأعلنت وقت الزوال
رغبةٍ للنوم منها مع عيون الناعسين
أبعدت من يوم شافت بالسما ضيّ الهلال
كنّها كانت تهزّا بالهلال وتستهين
كفكفت صبح التلاقي من ورا روس الجبال
واستخارتني وراحت وابعدت عن كل عين
وانتي أخطيتي خطاها وانعزلتي بالوصال
ولا رحلتي من سكات ولا وعدتيني تجين
عشت عمري بالمحبة في سبيل الاحتمال
وانتي تعيشين عمرك تفرحين وتجرحين
من غرورك في جمالك ما عطيتيني مجال
وأدري إنك تفهميني لو بغيتي تفهمين
كيف أشوف الشمس تشرق بالسما وانت ظلال؟
ومن يعيش بوسط غارٍ للذياب الجايعين
كنت أحسب الكره زايل والجفا لو طال زال
ولا بديتي بالغرام ولا بقى فيني حنين
أشهد إني ما خطيت ولا نويت الانعزال
وما خدعتك في غرامي لين شفتك تخدعين
اصدقي بالوعد مرة لي ولو فيها سؤال
من عرفتك ما أذكر إنك توعدين وتصدقين
كنت أشوفك من عيونك تأمرين أقوى الرجال
والله إني قبل أعرفك ما هقيتك تخضعين
كنت أشوفك تبعدين وقلت من باب الدلال
وإن بعدتي عن عيوني قلت باكر ترجعين
كنتي أكثر في عيوني من عدد وبل الخيال
وين أنا ما الد وجهي كنت أشوفك تضحكين
وإن بغيت أصد عنك من يمين ومن شمال
ما قوت عيني تلفّت لا شمال ولا يمين
عاشقٍ والعشق بلوى وأشهد إن الحال حال
ولا تركتي رحمة الله ولا عرفتي ترحمين
وأدري إنك في غرامي للأسف نلتي منال
افترقنا في دقايق والسبب لعنة لعين
حبك أشبه في غرامي بالوصال الانفصال
ويلعب الخفاق لعبة كبرياء الخاضعين
بالهوى ماهي غريبة نكبة عيال الحلال
ولاني أول من يصون ولا انتي آخر من يهين
الصداقة في عيون الناس منفى للعدال
وكان ردّت للصراحة كلبونا مذنبين
المحبة شبه زالت والصداقة لاتزال
بس أببقى في عيونك حامد اللي تعرفين
علّميها يا قصيدة واضربي فيني مثال
عرفيها بالبداوة في طباع الأولين
علّميها كيف نصنع صبرنا والاحتمال
علّميها كيف نفلح بالعمل دنيا ودين
علّميها في سوالف حلّنا والارتحال
علّميها كيف نظهر جورنا للجايرين
علّميها يا دقايق، علّميها يا ليال
علّميها يا عصور وعلّميها يا سنين
إن عشقنا ما بغينا غير عشقٍ بالحلال
وإن نوينا ما لفينا كود ناس طيبين
كاملينٍ في عطانا بس لله الكمال
والرجل فينا غرامه لو يعين ويستعين
ابدويٍ ما يقوده للردّى شد الحبال
يعسف اليدّ الشحيحة للعطا حتى تلين
همنا فعل الرجولة رمزنا لبس العقال
وانتي المكياج كله صار في وجهك سجين
عندك المكياج موضة تحسبين إنه جمال
صار همك في حياتك تكشخين وتطلعين
والا أنا قلبي بقى لي بالمحبة راس مال
والله اللي مبتليني بالهوى والله يعين
إن بغيت أعشق أبالقى كثر حبّات الرمال
لكن انتي لو بغيتي صعب مثلي تعشقين
قلت لك كل الصراحة وأختم أطراف الجدال
وإن زعلتي من كلامي تزعلين وتقعدين
حامد زيد
بواسطة: ملآذ الزايري
التعديل بواسطة: ملآذ الزايري
الإضافة: الاثنين 2007/11/19 05:41:00 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com