إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
هتعمل إيه يا شيخ مستور؟ |
يا راضي بنص لقمة عيش |
وعايش في النكد مسرور!! |
أهم سرقوا خلاص خطاويك |
هتعمل إيه بقه برجليك؟! |
هتمشي لْهم على كيفهم؟ |
وتحسب إن طول صمتك مكتفهم |
هتمشي ولاّ راح تقعد؟ |
ولو طال القُعَاد برضه أهم ماشين بدال منك |
لأنك باختصار رافض يكون لك دور |
وحابس في الضلوع خوفك |
وقاتل في العيون شوفك |
وميت صرخة تموت في الزور |
ودايرة الساقية يا صاحبي |
وحابب إنك إنت الطور |
تموت بالصبر ميت مرة |
ويتغير مِتين دستور |
ويتحسّر كتير قلبك |
فتتغمى بهموم غلبك |
وأهي الدايرة عليك بتضيق |
كما الساقية عليك بتدور |
!! |