إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
ولسه عنيكِ بِحْلَوّوا |
وهاعمل إيه؟ |
خلاص مقدرش أحب أكتر |
ولا حتى أدوب أكتر |
كده ......... أًخْرِى |
ولو زاد الجمال حبة |
يروح قلبى ورا قلبك ويتخبى |
لأنى بجد مش هأقدر |
أصد جنود جيوش حسنك |
لأن جنود جيوش الصبر فى قلبى |
نفد منهم خزين الصبر والأشواق بتضعفهم |
قولى لى إزاى هيتقووا؟ |
إذا كانت عيونك لسه بيحلوو |
يانور خبط على باب الضلام ف القلب |
قمت أفتح له |
زغلل عينى .... توهنى .... ولخبط حالى |
خلانى بقيت فى الحب مجنونك |
يانور عينى |
زمان كنت أكتب الأشعار |
عشان أوصف بها عيونك |
لكن دلوقت زاد الحب عن طاقتى |
فتاه بيّا حصان الشعر فى كونك |
ولكنى ف عز ضياعى فوقنى صدى صوتك |
وحسّيتك |
طردت الشعر من راسى |
وكتفته بكراسى |
وجيت حافى |
وشلت النبض والإحساس على كتافى |
رفعت إيديه واتعلقت برموشك |
أمانة وقفى جيوشك |
أمانة وقفى جيوشك |
د قلبى ضعيف |
ولو جيتى بحبة رقة والله ما هيحوشك |
أنا العاشق سواد عينك |
ولون الطيبة ف جبينك |
باموت فى الشمس لما الليل يعاكسها |
تضم عليه أشعتها يونسها |
ولما ينام يطوف قلبى على نجومه ويحرسها |
ويرقيها بتعاويذى |
أنا العاشق ..... وآخرهم |
ومن دخلوا الهوى قبلى تلاميذى |
باموت فيكِ ... |
وهاموت أكتر ...... |
وأموت أكتر |
لحد ما اعيش |
ويسبح شعرى ف عيونك |
كما الدرويش |
ياخد إيدى |
نطير نعلى لفضا جوُّه |
ويسألنى هنعمل إيه؟ |
ما تهنا خلاص |
ولسه عينيها بيحلوو |