إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
سلمت روحي يا منى القلب يمناك
|
وسوي بها يللي فراسك يطيبي
|
وإن كان حالي قاصر ٍ قدر فدواك
|
ضحّيت باللي يلزموني غصيبي..
|
كله على شانك وفي مطلب رضاك
|
أفضيت عذري لو مداره جبيبي
|
ما كان صدري يحتمل دوم جفواك
|
أرخصتني يا شوق وأنته طليبي
|
ياما عنيت الود في ذمة إخطاك
|
وشيّدت روض ٍ في رحابك قريبي
|
وغرست ورد الحب في وسط عيناك
|
وأسقيتها من فيض دمع ٍ سكيبي
|
دمع اللقى يضفي على دوح وجناك
|
ونبع الوله يشفي عضال الصويبي
|
يللي تشاغلني عواطف محياك
|
سيَّد غرامي ودايم ٍ لي حبيبي
|
أنت القمر وآنا على ضَو مسراك،،
|
قلبي صويب ٍ وأنت وحدك طبيبي
|
وإن راق فكري زارني سحر لقياك
|
يسفر بي الهاجوس صوبك حسيبي
|
في لجة بْحور ٍ مع الدُر ألقاك
|
وطواش شوقي ما رخصبك غريبي
|
عسى الليالي تكشف الحظ وياك
|
وتجبر مصاب اللي وداده عطيبي
|
وإن جيتني بالزين يا شوق.. حياك
|
وإن رحت عني صار موتي قريبي
|