أذنبت بك عشق ومشاعر وغلطات | |
|
| ورجعت من فرقاك .. ياشوق تايب |
|
أخطي واتوبك صدق تخطي بزلات | |
|
| وأرجع أحبك .. موت حق وطلااايب |
|
أكبر من إوصوف المعاني والابيات | |
|
| إنك .. تعيش .. إمفارقٍ لك حبايب |
|
( ملتاع ) يوم اني اناديك ب الذات | |
|
| إسمع صدايه بين .. عوج الحدايب |
|
إسمع تناهيدي قصيدي معانات | |
|
| وإعزف على جرح ( الغريب المهايب ) |
|
أعزف بها لا قلتلك بالشعر هات | |
|
| انا .. قسم .. بالله .. مانيب .. طايب |
|
يالشمري لو تعزف اهات واهات | |
|
| عمر الحزن ..مارد لي ..شوف غايب |
|
أمسيت أغني في جميل العبارات | |
|
| على هوى المسحوب سقت الطرايب |
|
جوع المشاعر داخل الشعر يقتات | |
|
| تحيا .. معاني .. واردات .. العذايب |
|
وش عاد لو زادت علي المسافات | |
|
| منفاي .. غربه ..في كثير النشاااايب |
|
التيه فيني .. راسمٍ له .. مدارات | |
|
| في عالم ( اللقيا ) .. يشن الحرايب |
|
راحت .. مراويح الليال الطويلات | |
|
| راحت ودمعي بين ضيق وكرايب |
|
عايش كذا مابين هم .. ومتاهات | |
|
| أستسقي الآمال ..شوف السحايب |
|
تمطر لقى وصل الغلا يجلي إشتات | |
|
| بلسم على كل ( الجروح العطايب ) |
|