 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| السعاده |
كان نفسى أكتب قصيده واسميها السعاده
|
كان نفسى أكتبها قصيده طويله |
| قد السعاده اللى بترفرف على قلب اتنين |
| بيحبو بعض بجد |
| فى جنينه فاضيه |
| مفيهاش بايعين مناديل |
| ولامباحث آداب |
| ولا مبصبصاتيه |
| العفو ماقصدش اللى جه فى مخك |
| ماقصدش إننا هانكون فى كون من الفراشات |
| والخضره والصمت اللى يشبه .. |
| صوت الفلوت الناعم |
| وما قصدش لاسمح الله إنى اتهيأ فى جو زى |
| اللى وصفته |
| لبوسه أو حضن أو حتى أكبر من كدا |
| كل اللى قصدته من الجنينه الفاضيه |
| إن احنا نبقى لوحدنا |
| من غير ماحد يتلصص علينا |
| واحنا بنضحك من قلبنا |
| وبنبص لبعض |
| ونرقص |
| دى اللحظه اللى ممكن تسميها السعاده |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
