تاريخ الاضافة
الخميس، 29 مارس 2007 01:59:46 ص بواسطة محمد أسامة
0 1163
راجل كفيف
راجل كفيف
ـــــــ
الحنين الغامض
لحاجه ماعرفهاش
يمكن للبيوت الطين
أو لراجل كفيف
بيتعكز على الغنا
هو اللى خلانى
أدوس على كسر الإزاز
وانا حافى
وياخدنى نور الذكر
من إيدى
لبلاد غريبه
وناس ما تعرفنيش
وهو اللى خلانا
نحضن بعض ونعيط
واحنا بنودعهم
على رصيف القطر
إسم الشاعرالبلدإسم القسمالمشاهدات
مسعود شومانمصر☆ شعراء العامية في العصر الحديث1163