عناوين ونصوص القصائد   أسماء الشعراء 
شعراء العامية في العصر الحديث > مصر > مسعود شومان > علشان تيجى لى تانى فى الأحلام

مصر

مشاهدة
1420

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

علشان تيجى لى تانى فى الأحلام

علشان تيجى لى تانى فى الأحلام
الصبيه الوحيده
اللى جايه هناك
ودموعها سبقاها ...
بتشاور لمين؟
رابطه فيونكتها البلاستيك
وفى إيدها سبت الخضار
يا مطر ياخفيف فى خفتها
قول لى ع اللى فى قلبها
أنا مامعيش مشرط
ولاّبعرف الجروحات
لو قلت لى أنا كنت ضمتها
وخدتها فى روحى ودفتها
ياهلترى دى الصبيه ...
اللى كانت بتخطُر علىَّ فى الأحلام
وتملس على شعرى
ولاَّ دى قطه مركونه
جنب شنطه قديمه
عامل عليها العفار خرايط
آه يامطر ياحنين
بتصحى شقاوتها
وبتخليها تقابلنى
فى الشارع الضلمه
ودموعها سبقاها
لو قلت لى
لوحتى من حكايتها
انا كنت خدتها فى روحى
وسبتها عليها
تسرح لها شعرها
وتسقى وردتها
علشان تيجى لى تانى فى الأحلام .
مسعود شومان
بواسطة: محمد أسامة
التعديل بواسطة: محمد أسامة
الإضافة: الخميس 2007/03/29 05:38:11 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com