إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
النيل نجاشي لما كان ملك عادل... |
لما أمن بالحقوق وما كانش بيجادل.... |
ولما كان ابرهه ومارس سياسة الهد.... |
ربك بعتله طير في الحال وضعله حد... |
بقى يوم ما تتعلمو تبنو تبنو علينا السد.... |
والله عال... اهو ده اللي كان فاضل.... |
مش احنا اللى نلم البواقي ولا نشرب الفاضل... |
ما حناش غاوشي ولا احنا م الاموات... |
ولا احنا عاله عشان نعيش بفتات... |
ولا انتو مالكينه فمتحلموش بسوكات.... |
النيل نجاشي بس عدا وفات... |
على مصر فاطمن وعاش في امان... |
واللحن غنوه من زمان... |
احنا اللي قولنا نجاشي... |
واحنا اللى بادينا نغير الالحان... |
ونقدر نهد اللحن ونعيد تانى ترتيبه... |
فلو ما جاشي.. هنروح عندكو نجيبه... |
مين اللي قال حقنا نسيبه... |
هنموت عشانه لو هيلزم موت... |
والحق ما بيرجعش لو مش وراه نبوت... |
والمصري وقت اللزوم بيكون شرس جبروت... |
وقت الخطر فى الحديد بيفوت... |
يا عم عبد الوهاب اللحن مش مظبوط... |
يا عم شوقي النص كان مغلوط... |
النيل بتاعنا والنجاشي مات... |
والورثه دبحو الود ووزعو الشربات... |
ولبسو لبس الساسه والبهوات... |
واللي بينقطو وبيفتحو كياسهم... |
واخدين على قفاهم.... |
عشان كده ط .... |
لسه وجعاهم.... |
أصحا يا نجاشي.. |
عيال اخوك ابرهه... |
دقو طبول الغدر ونسيو كل الفضل... |
طب ده احنا هبة النيل جدلين ضفايره جدل... |
والقسمه حسب العدل... |
ناخد نصيب الذكور وهما يبقو بنات... |
النيل نجاشي ده زمان ....لما كنا اخوات.... |
ماهواش كلام ولا تهليل ولا هزيان..ولا اللي خلف مات.... |
مصر هبة النيل واهلها الجدعان..بيدحرجو التماسي وبيبعتو السلمات... |