 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| بصاحب نفسي وقت ما تبقى الدنيا فراغ... |
| باخد نفسي واقول بلا ناس بلا قلب دماغ.... |
| واسحب كرسي واحطه ف اي مكان على كيفي... |
| واحلف على نفسي واقول والله لتقعد ضيفي... |
| واضحك ليه واقولي اتفضل تشرب ايه.... |
| واقولي يا أفندي واقولي باشا واقولي يا بيه... |
| يا راجل فك يعني القعده ف وسط الناس نفعتنا بايه.... |
| غيرشي الوش و وجع القلب وحرق الدم.... |
| فك يا عم... |
| بلا ناس بلا هم.... |
| تعبنا مناهده تعبنا جدال... |
| واخرها معانده ولعب عيال... |
| والاحوال هيه الأحوال.... |
| واسأل نفسي يجي الف سؤال؟.. |
| يعني انت هتبقى من الابطال؟.. |
| يعني لو الدنيا غير الدنيا كنت هتنجح؟؟... |
| كنت هتفلح؟؟... |
| فاكر نفسك لما هتكتب شعر لما تلقح.... |
| الدنيا بحالها هتتصلح... |
| لما هتعمل نفسك بين العميان حد مفتح... |
| هتعلى وتكبر!!... |
| هتلمع اكتر!!.... |
| كان غيرك اشطر... |
| دي دنيا يوم ما هتفتح ليك درعاتها.... |
| لازم تدفع... |
| وأنت لا تقدر تدفع ليها ولا قد دورتها.... |
| ولا عندك طاقة تساير بخطاك خطوتها... |
| ولا ليك فى الجو ولانتش لعيب... |
| ولا ليك محسوب دمن المحاسيب... |
| اللي بيلعب بيكون اصلا مالهوش فى الخوف... |
| اللي بيلعب لازم يلعب ع المكشوف.. |
| طول عمرك بين كراكيب افكارك محدوف... |
| طول عمرك ع الهايف ملهوف... |
| نفسك تلعب لاكن مكسوف.. |
| لا يقولو بتاع الشعر الخاين... |
| فاكر حالك اصلا حاجه.... |
| ده انت بحالك اصلا مش باين... |
| الدنيا دى ليها صحابها ليها زباين.... |
| فوق م الوهم... |
| وبطل تعمل حر وشهم... |
| قوم يلا فارقني... |
| واصحى يا عم... |
| مابقيتش طايقني.. |
| حتى القعده كمان ويايا طلعت غم... |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
