عناوين ونصوص القصائد   أسماء الشعراء 
الشعراء الأعضاء .. عامِّي > مصر > أبو حجاج > رباعيات

مصر

مشاهدة
210

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

رباعيات

انا نٌَص تون بين العذاب والطبطبه..
مواليد مقام برج الصبا..
مخلوق عنيد بحارب ع الحلم البعيد...
مولود شديد لاكن دموعي قريبه...
***
قلبك ساخن ليه اطرافك بارده!؟....
حاضر لاكن دايما افكارك شارده!!...
يمكن من طقس الايام المسلوبة!!...
أو يمكن مُت و فاضل منك هامش على ضهر أجنده...
***
مانيش من الأحياء.. ولا ليه ف الفيزيا....
ولما باهوى اعيش.. بدفع لكم جيزية ...
وقعت على تنازل.. عن كل شيئ أخدتوه...
وباهديكم الباقي من دمي فانتازيا....
***
قلبي سنابل فاضيه..من غير حب....
عايش حياته في حسبه..ناتجها ديما سالب....
حاول يكون رقم صحيح....
طرح حنينه من سنينه..طلع
الغلب...
***
بارت بضاعتك يا بياع الوفا...
والسوق كسد!! إلا على تجار الجفا...
الزباين بيفاصلو حتى في التفاصيل...
ما بقاش مكان لأصيل..الود ضاع وانعدم الصفا....
***
وليت يازمن الاصول.. والحرام والعيب....
وصبح القله ساكن فوق.. ولسه الحر خالى الجيب....
غريب فى زمن الوسايط.. بالاكراميه باعوك...
بالمحسوبية خانوك.. وحقك ضيعوه المحاسيب.....
***
علمني يابا ازاي ف عز الريح أفرد قلوعي...
وازاي أسّّير مركبي من غير ما يخرج برا طوعي....
وازاي اركز ع الجاي وانسى اللي فات وارميه....
ولو كان عزيز ابكي عليه.. من غير ما حد يشوف دموعي.....
***
مالك يا نهار الفرج المره دي شايفك حزين...
وكأنك بعد التسعه تعبت من عد السنين...
مش قولتلك تعبك معانا راح هدر.. سلم بقى لأحكام القدر...
خلصو اللي كان فيهم نفس و اللي فاضل مننا مجرد جسس ناس ميتين...
***
حلمك الناشز مايجوزش له رده بعد ال٣ طلقات....
ولا حتى له عده ولا نفقه ولا زيارات....
ولا هو يستاهلك ولا انت تصلح له بمحلل....
العن سنين جهله واعتبره كلب ومات....
***
ب لحمي المكشوف فارش علي رصيفك زُول....
لميه من حرارة الشمس وحاولي تفرديه في الضل....
قلبى المولود على أيديكي..
قبل ما ترجعيه ليه.. بالله نضفيه م الغل.....
***
الشعر بيطلع من فرن الكلام.. على طولة الايام...
يٌطسٌه هوا الدنيا يتاوب.. فيشد الغطا وينام....
ويحلم بصدر براح.. يستوعب فكرة الحريه....
فيصحا يلاقي نفسه مٌدان..
وعليه حكم بالإعدام....
***
أمتا بقى تحني يا ام المقام.. غاوي...
وتقربي مني لو ناويه.. انا ناوي...
شعري كأنه طير فارد جناحاته..
وحلمه انه يطير فوق ساقية الصاوي....
***
وقت اما يبقى الكدب سيد القرارات....
والزور خد بأيد الزيف و بيعلنو البيانات...
ولما يبقى الكلام ع الكيف.. وتشوف الوضع كله سخيف....
والصدق راضي بالتكتيف...
وبعد القوه حاله ضعيف...
يبقى بجملة المصاريف....
انشر نعي ف القنوات....
وقول ان اللي خلف مات....
***
جحا اللي مش جواك مظلوم....
ماكانش يوم جاني لاكنه عاش متهوم....
رغم أنه عاش معاهم وافي خانوه....
وذمو في الجابوه واخرتها مات مهزوم......
***
قلبى طول عمره الفانوس وانتي جنٌهٌ....
انتي شئ صعب قلبي يحكي عنه...
ساكنه قلبي بدون مقابل....
وضع يد وغصب عنه....
***
انا وانتٍ ناتج ضرب الايام مقسوم ع الغلب.....
على هامش مسأله ناقصه ف ورقة قرطاس اللب....
بعد القزقزه مع وصلة فشر عبّوه بالقشر.....
أنا وأنتٍ الصدق وباقي القرطاس معجون بالكدب....
***
انا حلمي ماشي كسيح ورجله ماشيه تجر....
بيكره التفتيح وخيبته ماشيه تخر...
لا بيبعد........ ولا باين له قرب....
أنا حلمي حالته كرب بردان في عز الحر....
***
غيطك يا عمري فيه الديدان سارحه....
سابولك الأحزان واتسلو ع الفرحه....
عروس يا كوسة..بس موكوسه....
العوره مكشوفه..طب لابسه ليه طرحه....
أبو حجاج

شعر رباعيات
بواسطة: أبو حجاج
التعديل بواسطة: أبو حجاج
الإضافة: الخميس 2020/04/09 07:19:21 مساءً
التعديل: الجمعة 2020/04/10 05:58:53 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com