إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
حديثالروح |
أوقات بسرح ف حديث الروح.... |
واحكي لروحي عن روحي وابوح... |
واهمس في ودان عقلي المشغول.... |
والقاني بقول....بقي ده معقول ..... |
شِعرك بقى تلج بمعنى اللوح.... |
بقى مالهوش قلب وحس وروح.. |
مش بتعارض ولا عارف تكتب في المسموح.... |
تأثيره ضعيف... |
وصداه تخاطيف... |
حبة تخاريف..... |
ولا زالشي هموم ولا جاب مصاريف.... |
شِعرك حالق من غير تكتيف.... |
واقع ريشه من غير تنتيف..... |
شِعرك توليف.... |
بين حق ضعيف وشوية زيف.... |
بين جد مخيف مع هزل سخيف... |
شجرة صفصاف مع جو خريف... |
في شتاه حران بردان في الصيف... |
شِعرك مش بكر مع انه بنات.... |
سلبوها شرفها بتعريفه.... |
شِعرك مش فكر مع انه ساعات... |
يتمنى يكون حاجه نضيفه.... |
شِعرك حكيات.... |
محتاج مسطبه واتنين ستات... |
شِعرك سلمات.... |
وكلام أموات.... |
شِعرك مش بوح ولا دوا لجروح.... |
شِعرك بقى تلج بمعنى اللوح..... |
فقد الاحساس بمعاني الروح..... |
خايف تحلم وياه بطموح..... |
تصحا وحلمك جنبك مدبوح.... |