تاريخ الاضافة
الجمعة، 15 فبراير 2019 02:56:48 م بواسطة لافي السرحاني
0 211
ياليت
مسا الرضى ياللي تجر التناهيت
تشكي صواديف الزمن ب الكتابه
مادري وش اللي صاير اليوم ازريت
ابحث عن اسباب اختلاف التشابه
بس الاكيد اني من المر شفّيت
أو استشفيت الحقيقه وبابـه
دامك نقي في هالزمن كل ماجيت
تبي تشوف من الغثا والكآبه
نافق عليهم كل ماصبحت وامسيت
وجرّد حياتك من طناخ النجابه
مره يبون تكون ' كول ' ' واتي كيت '
ومره تبيع الشمس بأول غيابه
تبدلت كل المفاهيم " ياليت "
وياليت صارت للاماني خرابه
إسم الشاعرإسم الكاتبالبلدإسم القسمالمشاهدات
لافي السرحانيأنهار من المحيطالسعودية☆ دواوين الأعضاء .. عامِّي211