تاريخ الاضافة
الأحد، 3 يونيو 2018 11:08:08 م بواسطة لافي السرحاني
2 647
الصبر والياس
بيـن الصبـر والياس احلام وآمال
مـن رادهـا ربّي عليهـا يعـينـه
مسافة ٍ لو هي على بضعة اميال
رهـينـة اللي مرتهـن في رهينـه
وبين البخل والجود اقوال وافعال
وكم كيس ٍ أطرم ينجدع لـ السمينـه
والباتع اللي عاش مع زمرة انذال
لو تكرمه كل يوم كنّك تهينـه
للحـر قـدر .. وبيـن الأحـرار منزال
لاتجمعه بـ البـوم وترجـي الثمينه
وبين الصراحة وجرحك الناس مثقال
ذرات أكبـر من حمـول السفينـه
وزول ٍ تعرفـه بيـن آلاف الازوال
لو حال طـول الوقت بينك وبينـه
ملهم قصيد وكل ماجيت الأطلال
تنزف جروح الشعـر زينـه وشينه
ومن ذاق بالدنيـا مآسي وغربال
مايشبه اللي في كنـف والدينه
عاش الترف مابيـن تقدير واجلال
وهذاك عاش الذل غارق بـ دينه
ابو لهب في أسفل الدرك وبلال
حسب حديث المصطفى، تدرون وينه
يالله لطفك يـوم تنهال الأهـوال
لاصار ماينفـع خدين ٍ خدينـه
يوم ٍ يصف الخلـق جمـوع وارتال
وكل ٍ حصاده مـن فعايل يمينـه
إسم الشاعرإسم الكاتبالبلدإسم القسمالمشاهدات
لافي السرحانيأنهار من المحيطالسعودية☆ دواوين الأعضاء .. عامِّي647