عناوين ونصوص القصائد   أسماء الشعراء 
الشعراء الأعضاء .. عامِّي > السعودية > لافي السرحاني > الصبر والياس

السعودية

مشاهدة
848

إعجاب
2

تعليق
0

مفضل
1

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

الصبر والياس

بين الصبر والياس احلام وآمال
من رادها ربّي عليها يعينه
مسافة ٍ لو هي على بضعة اميال
رهينة اللي مرتهن في رهينه
وبين البخل والجود اقوال وافعال
وكم كيس ٍ أطرم ينجدع ل السمينه
والباتع اللي عاش مع زمرة انذال
لو تكرمه كل يوم كنّك تهينه
للحر قدر .. وبين الأحرار منزال
لاتجمعه ب البوم وترجي الثمينه
وبين الصراحة وجرحك الناس مثقال
ذرات أكبر من حمول السفينه
وزول ٍ تعرفه بين آلاف الازوال
لو حال طول الوقت بينك وبينه
ملهم قصيد وكل ماجيت الأطلال
تنزف جروح الشعر زينه وشينه
ومن ذاق بالدنيا مآسي وغربال
مايشبه اللي في كنف والدينه
عاش الترف مابين تقدير واجلال
وهذاك عاش الذل غارق ب دينه
ابو لهب في أسفل الدرك وبلال
حسب حديث المصطفى، تدرون وينه
يالله لطفك يوم تنهال الأهوال
لاصار ماينفع خدين ٍ خدينه
يوم ٍ يصف الخلق جموع وارتال
وكل ٍ حصاده من فعايل يمينه
لافي السرحاني
التعديل بواسطة: لافي السرحاني
الإضافة: الاثنين 2018/06/04 03:08:08 صباحاً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com