 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| مساء الضياع والضلال والقباحه |
| مساءك طينة الخبال يا تاحه |
| يا حامل كل صفات الوقاحه |
| وسارق وقاتل وبايع بلادنا |
| فى عصرك يا تاحه كبرنا وهرمنا |
| يا بايع مياهنا وجزرنا وهرمنا |
| من كتر خير جنابك ورمنا |
| ياللى بفقرك وجهلك واعدنا |
| يا توأم شيطانا الرجيم فى الرضاعه |
| يا فاشل صناعه وتجاره وزراعه |
| يا مالك كل صفات الوضاعه |
| لكل البلاد ركعنا وسجدنا |
| فى ثانيه تم صدور القرار |
| بزفه ورقصه وطبله وزار |
| وشعبى الحزين مالوش اختيار |
| والذل ضارب فى سابع جدودنا |
| كل حاجه تمللى تمام ع الورق |
| ووطنى الصريع اتباع وانسرق |
| واللى مش عاجبه يروح ينفلق |
| ولسه ياما تشوفوا جديدنا |
| شعوبنا بتعلن تمللى الولاء |
| وراضيه وقانعه كتير بالغلاء |
| ولا تبدى أبدا ف يوم استياء |
| مبروك علينا وجودك يا سيدنا |
| إوعى تؤاثر فى يوم السلامه |
| إصحى يا شعب وصحى النيامه |
| بلاش الجمود والبرود والتلامه |
| بلاش المياتم تمللى في عيدنا |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
