تاريخ الاضافةتاريخ التعديل
الإثنين، 11 ديسمبر 2017 03:35:33 ص بواسطة لافي السرحانيالإثنين، 11 ديسمبر 2017 03:41:40 ص
0 324
لا تامن سهيل
ياقلب لا تِصخر مع الناس بالحيل
تِصخـِر ولكـن للأسـف يهملونك !
جتني بيوت الشعر خيـلٍ بثر خيل
حجـلٍ وساع نحور تبغـى تصونـك
مسرّجـه يفتر لها العـزم والحيـل
ركّـابـها عـقـلٍ تشـوفـه جنـونــك
من قال بين الناس لاتامن سهيـل
كل البلا والغدر .. باللي يجونـك
هذا اليماني فوق .. شامخ عن الميل
يا الآدمـي ادعَـك وفتّـح عيـونـك
ترا اندفاع الدرو مـع جـرّة السيـل
يجتث عشب الأرض لوكان دونك
ولّى زمان رجـال عـاشــوا حلاحيـل
واليـوم حتى رمـش عيـنـك يخونك
أهون عليك تخاوي النـار والليـل
ولا تجالس اللي بالقفـى يطعنونـك
لا تصحر : لاتعطي بتفاني
إسم الشاعرإسم الكاتبالبلدإسم القسمالمشاهدات
لافي السرحانيأنهار من المحيطالسعودية☆ دواوين الأعضاء .. عامِّي324
لاتوجد تعليقات