تاريخ الاضافة
السبت، 25 نوفمبر 2017 10:27:25 ص بواسطة لافي السرحاني
0 333
عايش
ياوجد عيني وجد من صـفّ طاروق
وجاب القصايد من ورى حد الافلاك
ساق المشاعر تزدحـم داخلـه سـوق
ولافيه بيت ٍ جمـلــه حـال ذكـراك
أو وجد .. عود ٍ لا لمح هـوج وبـروق
اجهش يشوف بنوضهـا صاحبـه ذاك
عوّد عليه الشـوق يا لـعنبـو الشـوق
فقـد حكيم القـوم إحساس الادراك
أو وجـد .. حرٍ مقيدٍ طرق بسبوق
وغيـد الحبـاري بناظـره هـدّ وعـراك
مافيه روس ٍ تعتلـي روسنـا فـوق
ولا ننكسـر لـو شفتنـا نشـري رضـاك
" عايش" ياعايش داخلي نبض وعـروق
بعـدك ذبحنـي وخالقـي ربّ سـوّاك
انت الشموس اللي تجي صبحي شروق
وانت القمر .. يامهجتي في محيـاك
شـف لعبتك بابا .. فـي مكتبي فـوق
في عيني أثمـن مـن عقـارات وامـلاك
خذها - عيونـي دامـك بداخلـه مـوق
خذها وخذني رح عسى العـمـر يفـداك
مافيه أغلـى بالبشـر مـنك مخلـوق
الا الذي عقب رجـل حيـل اغــلاك
سميــك اللـي فطّـــر قلوبنـا تــوق
بيـي عسى فـي جنة الخـلـد مثـواك
إسم الشاعرإسم الكاتبالبلدإسم القسمالمشاهدات
لافي السرحانيأنهار من المحيطالسعودية☆ دواوين الأعضاء .. عامِّي333