تاريخ الاضافةتاريخ التعديل
الإثنين، 23 أكتوبر 2017 12:34:42 ص بواسطة ريلام المطيريالجمعة، 27 أكتوبر 2017 11:24:22 م
0 437
حلم منحوت
‏ياللي عيونك دايم الدوم تدمع
وتجمع من اوجاعك على طول تجمع
‏ياقالبٍ وجهك على الكل اسمع !
‏العمر اخرته ( كفن ) وسط تابوت
‏انا اعاني ، مثلك انا اعاني !
‏واضحك عشان الناس ماهو عشاني
‏واقدّر احساسي ، واحشّم لساني
عن زلّة الشمّات لاطوّل الصوت !
‏ياما دفنّت الدمع وسط المخده
‏واقولها تفرج بعد كل شدّه ،
‏واللي بنى في داخلي شي ؟ هدّه !
كنّه مناشبني على سكرة الموت
‏صحيح اعصّب بس صدري شمالي
‏وعلى كثر ماضقت طولّت بالي
‏واللي محليني شقاوة هبالي
‏احياناً العاقل من العقل مكبوت !
‏فيني مزايا بس ما ابغى اتكلّم
‏ابحتفظ فيها ، ولاني بعلّم !
‏على نبي الله .. صلّي وسلّم
قد قالها الاعيُن تؤدي الى الموت
‏وانا اخاف الناس ، تعطيني العين
والله عطاني شي واجد من الزين
‏ماني بمغروره ، ولا خاطري شين
‏انا على كف الزمن ( حلم منحوت )
‏وانا خطر قادم على كل قادم !
‏ومثلي يخُبّى عن عيون الاودام
‏ولاناقص الا الحظ والحظ صادم
تعبت اجر الحبل والحبل مفلوت
‏انا غريبه ! فعلاً انا غريبه ..
‏هاذي حقيقه مابها اي ريبه !
ان جيت ابضحك لازم ادفع ضريبه
ورضيت بالواقع على طول يانوت
‏وببقى كذا مهما عصاني زماني
‏بضحك من قليبي لو اني اعاني
‏لعل يوم الاقي اللي هواني
‏اللي فراقه صوم ومواصله قوت
‏السيد اللي طول عمره يكابر
ماجف حبه لو تجف الحناجر
‏يقول قربي موت واقول خابر
‏لو ان قربك موت يامآحلا الموت
إسم الشاعرإسم الكاتبالبلدإسم القسمالمشاهدات
ريلام المطيريريلام المطيريالسعودية☆ دواوين الأعضاء .. عامِّي437
لاتوجد تعليقات