تاريخ الاضافةتاريخ التعديل
الثلاثاء، 19 سبتمبر 2017 07:37:03 م بواسطة ريلام المطيريالثلاثاء، 19 سبتمبر 2017 11:14:20 م
0 573
رجلي وبابك
‏يسار صدري فوادٍ يعشق ترابك
‏معاك لاضقت ولا كنت متهني
‏أي والذي خالقه مايفرح الا بك
‏ياللي تفاصيل يومك فيه تسكنّي
‏ياليت رجلي توديني على بابك
‏وياليتها تنكسر ولا ترجعني
‏الشوق باقي معاي بريحة ثيابك
‏اللي بقت منك لو فكرت تتركني
‏يموت لك حي حتى المْيت يحيا بك
‏ودامي حييت ابك تكفى لاتموتني
‏محتاجتك واحتياجي صعب يحظا بك
‏علمني شلون م احتاج الك علمني
‏الياتذكرت من تمسي وتصحابك
‏كن أغلب احزان خلق الله تشملني
‏أكذب ليا قلت عادي واعرف اسبابك
‏في كل ليله انام الدمع يحرقني
‏منّول أقول بإني لك و أولابك
‏والحين كل الاماني فيك تقتلني
‏ما اصعب من وجودك الا فكرة غيابك
‏وماهوّن غيابك الا انك على ظني
‏هذا شعوري نثرته شعر بكتابك
‏في كل مره بتهملني .. بتلهمني
‏صباحي صوّرك وصباحك احبابك
‏عليك الاشواق تاخذني وتسرقني
‏ياخذني القلب واشواقه على بابك
‏ويرجع ليا شاف شيٍ ياخذك مني
إسم الشاعرإسم الكاتبالبلدإسم القسمالمشاهدات
ريلام المطيريريلام المطيريالسعودية☆ دواوين الأعضاء .. عامِّي573
لاتوجد تعليقات