عناوين ونصوص القصائد   أسماء الشعراء 
الشعراء الأعضاء .. عامِّي > السعودية > سلطان القنيدي > خسارة

السعودية

مشاهدة
895

إعجاب
3

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

خسارة

البارحة كنّي على الأرض مقتول
من زلةٍ فيها النكد والمرارة
جتني من اغلى انسان مدري وش اقول
خسارةٍ ما بعدها من خسارة
كنت اذخره واظن يصفي على طول
ما كنت احسب الوقت فيه استدارة
حتى عرفته زين والحين مذهول
وقت انهزامي صار وقت انتصارة
يا شينها لا صرت بانسان مأمول
وتلقاه يحذف في طريقك حجارة
والحسد دايم من وقع فيه معلول
أخطر مرض بالجسم دون انهيارة
وما دام هذا الدرب واضح ومدلول
أمشي مساري واتركه في مسارة
عرفت بأن الطيب لو ضاع ما يزول
وعرفت مطلاع الجبل وانحدارة
وش لي بديرة كلها محول بمحول
ولا بها ما يستحق البشارة
وين الربيع اللي على داير الحول
وألقاه يوم انّي لفيته زيارة
والبارحة بالليل مدري وش اقول
خسارةٍ ما بعدها من خسارة
سلطان القنيدي
التعديل بواسطة: سلطان القنيدي
الإضافة: السبت 2017/07/08 07:37:46 مساءً
التعديل: الاثنين 2020/04/13 06:38:18 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com