تاريخ الاضافةتاريخ التعديل
الإثنين، 1 أغسطس 2016 07:17:27 ص بواسطة سلطان القنيديالإثنين، 23 مارس 2020 06:47:19 م
2 641
ياناقد الشاعر
يا ناقد الشاعر تمهّل على الهون
قدامك طويق الشعر ما قويته
والنقد له مبدا وقيمة وقانون
وإن كان جاني من خبير ارتضيته
ما هو كلامٍ قلت والناس يحكون
في نقدك اللي دون معنى حكيته
تعال يمّي قول ما هم يقولون
عشان افيدك يوم علمك لقيته
والنفع متبادل بلا شك وظنون
كم واحدٍ جاني بحاجة وجيته
بس البلا من كل حاسد ومغبون
اللي تبلّاني وأنا ما بليته
أحدٍ يشجعني على كل مضمون
وأحدٍ يهدّم حلم مبطي بنيته
أرقى مع اللي للشواهيق يرقون
والدرب مهما كان عسرٍ مشيته
وأطلب من الله دايم المد والعون
ولا فيه من خلق الله اللي رجيته
إسم الشاعرإسم الكاتبالبلدإسم القسمالمشاهدات
سلطان القنيديسلطان القنيديالسعودية☆ دواوين الأعضاء .. عامِّي641
لاتوجد تعليقات