عناوين ونصوص القصائد   أسماء الشعراء 
الشعراء الأعضاء .. عامِّي > السعودية > سلطان القنيدي > عبدالعزيز القنيدي

السعودية

مشاهدة
494

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

عبدالعزيز القنيدي

يقول من يبدي إحساسه مع شعورة
من نفس فالوقت منهيّة ومأمورة
يا جعل مبروك فوزك يا بعد حالي
تستاهل الكاس والتكريم بالدورة
يالمبدع الواعي المتمكّن الشامخ
ما فيه مثلك شبيه بلعبة الكورة
كم لاعب يحاول إنه منك يقطعها
من يوم يقبل عليك ويعلن دبورة
الله يكفيك شر الوقت وصدوفه
ويكفيك شر العيون ونفس مقهورة
ارقى سنود ٍ وتلقى المجد قدامك
والصقر ما شال هم الغصن وطيورة
في خاطري لك نصيحة مثمرة جدًا
من تجربة فالحياة بعز معمورة
دايم ما ينصحك غير المخلص الوافي
والكل يظهر كلامه حسب منظورة
خلّك مع الله وتلقى عز ٍ وهيبة
وتصير في حرز والضيقات مدحورة
لا تشتكي ما بصدرك عند خلق الله
هذاك يضحك وهذا يبدي عذورة
الصدر صندوق والأسرار كالعسجد
مفتاحه السانك وحاذر من قصورة
ولا تقارن الفعل دايم مع فعل غيرك
لو كان سيرتْه بين الناس مشهورة
قارن أدائك مع الأيام وأنت احكم
والعقل نيرة لزاد الليل ديجورة
واحرص على الصاحب اللي دايم ٍ مخلص
لا بان لك لازم ٍ جالك بمقدورة
لو زل مرة تحمّل وادمح الزلّة
لو ثقلها مثل متن طويق وصخورة
ومن كان وقت الرخاء حاضر معك دايم
وقت الشدايد علامه غايب حضورة
واللاش وأهل المصالح لا تصاحبها
مهما صفت بالزمن ما تترك البورة
ما كل واحد تبسّم يعتبر صاحب
به ناس لا شافتك بالحيل مذعورة
ويا حظ من هو كسب له سمعة ٍ زينة
عند الرفاق ومحبينه وجمهورة
لو مات ذكره مع العربان متخلّد
ويصير مضرب مثل فالوقت وعصورة
كم واحد ٍ مات لكن حي في فعله
وكم واحد ٍ حي والأفعال مقبورة
وأيامنا مرحلة مكثر زوابعها
وتشيّب الراس قبل الشيب وظهورة
هذا جزيل الكلام ومقصدي منّه
أبغى فعولك مع الأيام مذكورة
عبدالعزيز القنيدي لاعب ٍ مبدع
يستاهل الكاس والتكريم بالدورة
سلطان القنيدي
التعديل بواسطة: سلطان القنيدي
الإضافة: السبت 2016/07/09 10:53:00 مساءً
التعديل: الأحد 2016/07/10 03:52:31 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com