عناوين ونصوص القصائد   أسماء الشعراء 
شعراء العامية في العصر الحديث > السعودية > سعد بن جدلان > سلام عدة وبل مزن ٍ مراديف

السعودية

مشاهدة
2116

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

سلام عدة وبل مزن ٍ مراديف

سلام عدة وبل مزن ٍ مراديف
نو ٍ من المنشأ تزبر جويره
يا سيفنا الدايم ويا دايم السيف
ابن الملوك أحفاد صقر الجزيره
أهل الجموع مفرقات المواليف
و اهل المقصب والسيوف الشقيره
حبيت أقدم عندكم باقة الصيف
ي ملتقى السواح من كل ديره
شمت هوا تونس وباريس وجنيف
ي طلة أبها والجنوب وعسيره
خواطري مثل السبور المشاريف
المغريات السرد المستذيره
اللي تهاوي طيبين المواقيف
و تهيم في مدح الاسامي الشهيره
تقلط على فيصل ترز الغطاريف
شعر يهيج داخله عبر أثيره
فيصل ولد خالد مغيث الملاهيف
فراج كرب المعضلات الكبيره
المملكه ما رد جيزان لي طريف
عاشت بخير الله بدي ثم خيره
وفيصل سمي اللي فتح خط برليف
يوم انعمت عند الرجال البصيره
وفيصل تعشقه طيبات السواليف
وتخرم لريحة مستكاه وعبيره
عز الله انها تنلقى بهجة الضيف
على كواكب حاجبيك المنيره
يا الهيلع اللي ما تحسب التكاليف
وهايبك تغني اليدين الفقيره
كبر الوهايم للرجال الجوازيف
اللي يشوفون الكبيره صغيره
ولا ترى اللي دايم شبره ضعيف
ما يبغي الا العافيه والستيره
يا سيفنا الدايم ويا دايم السيف
المعذره كان القصيده قصيره
سعد بن جدلان
بواسطة: حمد الحجري
التعديل بواسطة: حمد الحجري
الإضافة: الأربعاء 2016/04/27 06:42:04 صباحاً
إعجاب
مفضلة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com